Iuramentum Camerarii

Item up maendach Sent Valentins avent ys Henricus Symons Burgere zo Nuyss durch eyn Eirsam Raidt vur eynenkamerknecht baed ind doerwechter ind ouch eynen roeder angenommen eyn iair ind hait vur gesichert ind geloifft myt upgerichten vyngeren lyfflich zo gode ind den hylligen gesworen dat hie der stadt Nuysse ind synem heren altzyt gehoirsam truw ind holt syn sall ind wes dat hie vur off na van scheffene ind rait up dem raithuyse hoeren wyrt heymlich zo halden ind des nemans zo offenen ind sich ind synen geboden hie doinde wirt ind vort in allen dyngen sich eirbarlich fromlich ind up- rechtich zo halden ind nemant geyn geschenck zo doyn / dan myt bevele syner heren und in sunderheit sich neit droncken zu dryncken und hie sall zo loene haven X gulden current ind eynen gulden current vur eyn kogell sunder cleydong und vort syn offergelt ind ander verdienst as man des gewonlich yst