Rembolt Kreitfysch Rembolt Moenhem

Item up dinxstach na Anthonii abbatis hait eyn Ersam Raidt eynen usssproich gedain thussen dem Rembolt Kreitfyschrentmyster ind Rembolt Moenhem zome Crantz so die beide parthye vurschreven / die saiche an eyn Ersam Rait gesatzt ind gestalt haven / wes eyn Ersam Raidt thussen yn sprechende wurd / dar by wulden sy blyven ind dat also stede ind vast halden / nemlich dat Rembolt Moenhem sall van stunt an dat sloys dat hie gegenRembolt Kreitfysch willen an die portz up der Nederstraissen / beneven yrer beiden parthyen ervenstande / gehangen / hait / ind Kreitfysch darmyt synen in ind ussganck der portzen benomen / affdain ind Kreit fysch synen schaden dardurch geleden uprichten ind betzalen ind darmyt sullen beide parthyen der saichen halven zofreden syn ind geyne zweidraicht darumb haven ind die gewalt die MoenhemKreitfysch darmyt gedayn hait / hait yem eyn Ersam Rait up dusse zyt vertzegen angesien / dat Moenhem / Kreitfysch brieve ind instrumen den overgemaicht gesien ind gewoist hed Kreitfysch gerechticheit / die eyn Ersam Raidt gesen ind gehoirt hait / sulde Moenhem sulche sloys vur die portze neit haven gehangen